KAPÍTULU 6
1 Ya annai humånao guihi måtto gi tano’-ña; ya i disipulu-ña siha madálalak gui’.
2 Ya annai måtto i såbadu na ha’åni, ha tutuhon mama’nå’gue gi sinagoga; ya meggai ni’ humungok gui’ nina’fanmanman, ya ilek-ñiha: månu nai guaha este taotao este siha na guinaha? Yan håfa este na tiningo’ i esta manå’i gui’? Ya haftaimanu este siha na niná’manman ni ma fa’tinas ni kannai-ña?
3 Ada ti este i katpenteru, låhen Maria, che’lon Santiågo, yan si Joses, yan si Juda, yan si Simon? Ada ti manhíhita yan i mañe’lu-ña famalao’an guini? Ya manineféfende nu guiya.
4 Lao si Jesus ilek-ña nu siha: Tåya’ profeta sin onrå-ña lao i tano’-ña ha’, yan entre i parientes-ña siha, ya i gimå’-ña.
5 Ya ti siña ha fa’tinas guihi håfa na ná’manman, na ha po’lo i kannai-ña gi hilo’ palu manmalångu siha, ya ha na’homlo’.
6 Ya guiya niná’manman ni’ ti manmanhonggen-ñiha; ya ma liliku’i gi i sengsong siha mana’nå’gue.
7 Ya ha ågang i dosse siha, i ha tutuhon tumågo’ dos en dos, ya ha nå’i nina’siñan-ñiha gi hilo’ manáplacha’ na espiritu siha;
8 Ya ha tågo’ siha na cha’-ñiha fanmañuñule’ ni håfa para i chalan, na un baston-ñiha; ni kostat, ni pån, ni salåppe’ gi betsan-ñiha;
9 Lao u fanchenankleta; ya mungnga manminagågu dos na magågu.
10 Ya ilek-ña nu siha: manuha na guma’ nai manhålom hamyo; fañåga guihi, asta gi manhånao hamyo guihi na lugåt.
11 Ya todu ayu siha i ti rumesibi hamyo, ni’ ti maninékungok hamyo, fanhånao guihi, sakudi i petbos ni’ gaige gi papa’ addeng-miyu para testimoniu kontra siha. Magåhet hu sangåni hamyo, na mås sungunon na kastigon Sodoma, yan Gomora gi ha’ånen i sentensia, ki ayu na siudá.
12 Ya manmå’pos ha setmon na i taotao siha u fanmañotsot.
13 Ya ha yute’ huyong meggai na aniti siha, ya ha pápalai låña meggai na manmalångu siha, ya ha na’ fanhomlo’.
14 Ya ha hungok i rai Herodes i faman Jesus (sa afamáo i na’ån-ña), ya ilek-ña: Si Juan Bautista kahulo’ [ginen] i manmåtai siha; ya put este manggái’nina’siña na cho’cho’, esta fuma’tinas nu guiya.
15 Palu ilek-ñiha: Si Elias. I palu ilek-ñiha: Profeta gui’, pat unu gi profeta siha.
16 Ya annai ha hungok si Herodes, ilek-ña: Este si Juan ni’ ginen hu digueya: guiya kahulo’ [ginen] i manmåtai siha.
17 Sa’ guiya ha’ si Herodes manågo’ na u mamantieni si Juan, ya u mapresu gi katsét put si Herodias, asaguan i che’lu-ña as Felipe, sa’ ha konne’ para asaguå-ña.
18 Sa’ si Juan ilek-ña as Herodes: Ti kabåles na un konne’ i asaguan i che’lu-mu.
19 Ya put este si Herodias u nina’åguaguat kontra guiya, ya ha disisåo na u puno’, lao ti ha na’siña.
20 Sa’ si Herodes ma’å’ñao as Juan, ha tungo’ na tunas yan såntos na taotao ya ha géfadahi. Ya annai ha hungok, gosbumuébuenti gi kurason-ña; ya ha ékungok ha’ ni minagof-ña.
21 Ya annai måtto un ha’åni na si Herodes gumupot ni mafañågu-ña, ya mama’tinas sena para i prinsipi-ña siha yan i kapitån siha, yan i manmå’gas siha giya Galilea;
22 Ya humålom i hagan Herodias, ya bumaila, ya ha na’magof si Herodes, yan ayu siha i mangga’chóchong-ña gi lamasa; ya i rai ilek-ña ni patgon na palao’an: Gågao yu’ ni malago’-mu, ya hu nå’i hao.
23 Ya manhula’: Todu i un gågao yu’, hu nå’i asta lamitå gi raino-ku.
24 Ya må’pos gui’, ya ilek-ña as nanå-ña: Håfa hu gågao? Si nanå-ña ilek-ña: I ilon Juan Bautista.
25 Ayu nai humålom ensigidas gi rai ya ha gågao, ilek-ña: Malago’ yu’ på’go na un nå’i yu’ gi un plåtu ni’ ilon Juan Bautista.
26 Ya i rai nina’gostriste; lao put i huramento-ña, yan ayu siha i mangga’chong-ña gi lamasa, ti malago’ ha puni.
27 Ya ensigidas i rai manågo’ unu gi guåtdia, ha tågo’ na u hånao ya u chinili’e ni ilu-ña. Ya må’pos, ya ha digueya gi halom katsét.
28 Ya machule’ guatu i ilu-ña gi un plåtu, ya manå’i i patgon palao’an, ya i patgon palao’an ha nå’i i nanå-ña.
29 Ya annai mahungok ni disipulu-ña siha, manmåtto, ya machule’ i tataotao-ña, ya mapo’lo gi un naftan.
30 Ya i apostoles mandanña’ gi as Jesus, ya ma sangåni gui’ todu ni che’cho’-ñiha, yan i fina’nå’guen-ñiha.
31 Ya guiya ilek-ña nu siha: Maila’ hamyo apåtte gi un lugåt disietto, ya en fandeskånsa didide’; sa’ meggai siha manhåhanao, yan manmåfatto, ya manå’i lugat mañocho.
32 Ya manmå’pos gi un båtko gi un lugåt disietto apåtte.
33 Ya i lumi’e’ siha na manhånao meggai, ya matungo’ gui’; ya manmalålago para ayu meggai manmamómokkat gi siudá siha, ya manmåtto åntes ki siha, ya mandanña’ giya guiya.
34 Ya annai humuyong si Jesus ha li’e’ i linahyan taotao ya nina’ma’åse’ nu siha, sa’ mamarehu ha’ yan i kinilu siha ni’ tåya’ pastót-ñiha; ya ha tutuhon fuma’nå’gue meggai na guinaha.
35 Ya annai eståba pupuengi, i disipulu-ña siha manmåtto giya guiya, ilek-ñiha: I lugåt disietto este, ya esta pupuengi.
36 Na’hånao siha para u fanmalak i kampo yan i sengsong siha gi uriya, ya u ha fanmamåhan pån para siha.
37 Lao manoppe, ilek-ña nu siha: Nå’i siha na’-ñiha. Ya siha ilek-ñiha nu guiya: In fanhånao ya in fanmamåhan pån put dos sientos na denårio, para en nå’i siha na’-ñiha?
38 Ya guiya ilek-ña nu siha: Kuånto na pån guaha hamyo? Hånao, ya inli’e’. Ya annai ha tungo’ siha, ilek-ñiha: Singko, yan dos na guihan.
39 Ya ha tågo’ siha na u ha na’fanmatå’chong todus put mangga’chong gi hilo’ i mambetde na chå’guan.
40 Ya manmatå’chong put mangga’chong, siento yan siento, yan singkuenta yan singkuenta.
41 Ya ha chule’ i singko na pån yan i dos na guihan, ya manatan hulo’ gi langet, ya ha bendisi, ya ha ipe’ i pån siha; ya ha nå’i i disipulu-ña siha para u ha plånta gi sanmenan-ñiha; ya i dos na guihan manmapåtte todus.
42 Ya mañocho todus, ya manhåspok.
43 Ya ha håtsa i pidåsu siha dosse na kanåstra mambula; yan pidåsu i guihan siha lokkue’.
44 Ya ayu siha i mañocho ni pån, singko mit na lalåhi siha.
45 Ya ensigidas ha apura i disipulu-ña siha na u fangahulo’ gi batko, ya u fanhånao gi me’nå-ña gi otro bånda giya Betsaida, mientras ha na’hånao i linahyan taotao.
46 Ya despues, annai monhåyan ha na’hånao siha, må’pos malak i ekso’ para u fanaitai.
47 Ya annai esta pupuengi, i batko eståba gi talo’ gi tasi, ya guiya ha’ na maisa gi tano’.
48 Ya ha li’e’ siha na manmachócho’cho’ mappot manmamómoksai, sa’ i manglo kontrårio para siha; ya hihot gi mina’kuåttro na guåtdia gi puengi, måtto gui’ giya siha, mamómokkat gi hilo’ tåsi; ya malago’ na u faloffan gi uriyan-ñiha.
49 Ya annai mali’e’ nu siha, na mamómokkat gi hilo’ tåsi, hinasson-ñiha na pantåsma, ya måhngang;
50 Sa’ todus lumi’e’ gui’, ya nina’fañåtsaga. Lao ensigidas ha kuentusi siha, ya ilek-ña nu siha: Angokko hamyo, guåhu yu’; cha’-miyu fanma’å’a’ñao.
51 Ya kahulo’ giya siha gi batko, ya i manglo’ må’pos: ya siha nina’fangosmanman;
52 Sa’ siha ti ha tungo’ i milågron i pån siha; sa’ i kurason-ñiha eståba manggosmahetok.
53 Ya annai manmaloffan para i otro bånda, manmåtto gi tano’ Genesaret, ya manmalak i puetto.
54 Ya annai manhuyong siha gi batko, ensigidas matungo’ gui’.
55 Ya manmalågu gi uriyan todu ayu na tåno’, ya matutuhon mañule’ gi todu i patte, manmalångu siha gi kåma, månu nai mahungok na eståba guihi.
56 Ya månu ha’ nai humålom, songsong, pat siudå, pat fangualu’an, ma po’lo påpa’ i malångu siha gi chalan, i ma táyuyot gui’ na u pacha i kanton i magagu-na, ya todu ayu siha i ha pacha, manhomlo’.
CHAPTER 6
1 And he went out from thence; and he cometh into his own country; and his disciples follow him.
2 And when the sabbath was come, he began to teach in the synagogue: and [a]many hearing him were astonished, saying, Whence hath this man these things? and, What is the wisdom that is given unto this man, and what mean such [b]mighty works wrought by his hands?
3 Is not this the carpenter, the son of Mary, and brother of [c]James, and Joses, and Judas, and Simon? and are not his sisters here with us? And they were [d]offended in him.
4 And Jesus said unto them, A prophet is not without honor, save in his own country, and among his own kin, and in his own house.
5 And he could there do no [e]mighty work, save that he laid his hands upon a few sick folk, and healed them.
6 And he marvelled because of their unbelief.
And he went round about the villages teaching.
7 And he calleth unto him the twelve, and began to send them forth by two and two; and he gave them authority over the unclean spirits;
8 and he charged them that they should take nothing for their journey, save a staff only; no bread, no wallet, no [f]money in their [g]purse;
9 but to go shod with sandals: and, said he, put not on two coats.
10 And he said unto them, Wheresoever ye enter into a house, there abide till ye depart thence.
11 And whatsoever place shall not receive you, and they hear you not, as ye go forth thence, shake off the dust that is under your feet for a testimony unto them.
12 And they went out, and preached that men should repent.
13 And they cast out many demons, and anointed with oil many that were sick, and healed them.
14 And king Herod heard thereof; for his name had become known: and [h]he said, John the Baptizer is risen from the dead, and therefore do these powers work in him.
15 But others said, It is Elijah. And others said, It is a prophet, even as one of the prophets.
16 But Herod, when he heard thereof, said, John, whom I beheaded, he is risen.
17 For Herod himself had sent forth and laid hold upon John, and bound him in prison for the sake of Herodias, his brother Philip’s wife; for he had married her.
18 For John said unto Herod, It is not lawful for thee to have thy brother’s wife.
19 And Herodias set herself against him, and desired to kill him; and she could not;
20 for Herod feared John, knowing that he was a righteous and holy man, and kept him safe. And when he heard him, he [i]was much perplexed; and he heard him gladly.
21 And when a convenient day was come, that Herod on his birthday made a supper to his lords, and the [j]high captains, and the chief men of Galilee;
22 and when [k]the daughter of Herodias herself came in and danced, [l]she pleased Herod and them that sat at meat with him; and the king said unto the damsel, Ask of me whatsoever thou wilt, and I will give it thee.
23 And he sware unto her, Whatsoever thou shalt ask of me, I will give it thee, unto the half of my kingdom.
24 And she went out, and said unto her mother, What shall I ask? And she said, The head of John the Baptizer.
25 And she came in straightway with haste unto the king, and asked, saying, I will that thou forthwith give me on a platter the head of John the Baptist.
26 And the king was exceeding sorry; but for the sake of his oaths, and of them that sat at meat, he would not reject her.
27 And straightway the king sent forth a soldier of his guard, and commanded to bring his head: and he went and beheaded him in the prison,
28 and brought his head on a platter, and gave it to the damsel; and the damsel gave it to her mother.
29 And when his disciples heard thereof, they came and took up his corpse, and laid it in a tomb.
30 And the apostles gather themselves together unto Jesus; and they told him all things, whatsoever they had done, and whatsoever they had taught.
31 And he saith unto them, Come ye yourselves apart into a desert place, and rest a while. For there were many coming and going, and they had no leisure so much as to eat.
32 And they went away in the boat to a desert place apart.
33 And the people saw them going, and many knew them, and they ran together there [m]on foot from all the cities, and outwent them.
34 And he came forth and saw a great multitude, and he had compassion on them, because they were as sheep not having a shepherd: and he began to teach them many things.
35 And when the day was now far spent, his disciples came unto him, and said, The place is desert, and the day is now far spent; 36 send them away, that they may go into the country and villages round about, and buy themselves somewhat to eat.
37 But he answered and said unto them, Give ye them to eat. And they say unto him, Shall we go and buy two hundred [n]shillings’ worth of bread, and give them to eat?
38 And he saith unto them, How many loaves have ye? go and see. And when they knew, they say, Five, and two fishes.
39 And he commanded them that all should [o]sit down by companies upon the green grass.
40 And they sat down in ranks, by hundreds, and by fifties.
41 And he took the five loaves and the two fishes, and looking up to heaven, he blessed, and brake the loaves; and he gave to the disciples to set before them; and the two fishes divided he among them all.
42 And they all ate, and were filled.
43 And they took up broken pieces, twelve basketfuls, and also of the fishes.
44 And they that ate the loaves were five thousand men.
45 And straightway he constrained his disciples to enter into the boat, and to go before him unto the other side to Bethsaida, while he himself sendeth the multitude away.
46 And after he had taken leave of them, he departed into the mountain to pray.
47 And when even was come, the boat was in the midst of the sea, and he alone on the land.
48 And seeing them distressed in rowing, for the wind was contrary unto them, about the fourth watch of the night he cometh unto them, walking on the sea; and he would have passed by them:
49 but they, when they saw him walking on the sea, supposed that it was a ghost, and cried out;
50 for they all saw him, and were troubled. But he straightway spake with them, and saith unto them, Be of good cheer: it is I; be not afraid.
51 And he went up unto them into the boat; and the wind ceased: and they were sore amazed in themselves;
52 for they understood not concerning the loaves, but their heart was hardened.
53 And when they had [p]crossed over, they came to the land unto Gennesaret, and moored to the shore.
54 And when they were come out of the boat, straightway the people knew him,
55 and ran round about that whole region, and began to carry about on their [q]beds those that were sick, where they heard he was.
56 And wheresoever he entered, into villages, or into cities, or into the country, they laid the sick in the marketplaces, and besought him that they might touch if it were but the border of his garment: and as many as touched [r]him were made whole.
Put fabót, leave a comment or ask a question below.